Mirno jutro u Long Biču u Kaliforniji prekinuli su prasak i lomljava.

Foto: Printscreen, You Tube

Za volanom „bmv-a” bila je pijana Marisela Ovale (27).

Po dolasku na kružni tok nastavila je da vozi pravo. Pogodila je znak i iščupala kamen iz zemlje težak 150 kilograma, koji se otkotrljao niz ulicu i udario u parkirani „kamero“.

„KAO BOMBA“

Nesreću je snimila kamera i pravo je čudo kako niko nije stradao.

Anhel Ruiz živi odmah uz taj kružni tok. Parkirao je svoj crni „kamero“ koji je oštećen nakon što se kamena gromada od 150 kilograma koja je držala saobraćajni znak zabila u njega.

- Čulo se poput bombe. Istrčao sam i odmah otišao da vidim kako je vozač. Potom sam vidio uništenje koje je izazvala - rekao je Ruiz.

Na sreću, u to vrijeme nije bilo automobila, a ni pješaka.

Marisela nije povrijeđena, uhapsili su je pod sumnjom da je vozila pijana i odredili kauciju od 30.000 dolara.