Dobre vijesti sa Enfilda...

Foto: Screenshot YouTube/Uber

Menadžer Liverpula Jirgen Klop rekao je da je jedan od njegovih glavnih igrača, Mohamed Salah, negativan na korona virus.

Salah će proći dodatne medicinske preglede, potrebne pred meč sa Atalantom u Ligi šampiona, dok se Italijani čekaju kao gosti na stadionu Enfild Roud.

Činilo se kao da će Salah sigurno da propusti taj meč, ali je u posljednjem trenutku stigao drugačiji nagovještaj.

Egipćanin je zarazu COVID-19 dobio na svadbi svog rođaka, Jirgen Klop je makar javno stao iza njega i sada je Salah na dobrom putu da se ipak ubrzo vrati u tim. Redsi su i bez njega u nedjelju uveče pobijedili Lester sa 3:0.

- To je ono što sam ja čuo, negativan. Mislim da je sada sve sasvim normalno na svim testovima. U ponedjeljak radimo dodatne UEFA testove i prilično sam siguran da će pokazati isto - rekao je Klop.

On je najavio kada će se i tačno znati da li će Mohamed biti spreman za meč sa Atalantom, koji se u srijedu igra od 21 sat.

- Za dva dana. Prije srijede će proći dva testa, pa ćemo tada definitivno znati kakvo je stanje. Za sada znam da će trenirati sa nama normalno u ponedjeljak - rekao je Klop.

Izvor: telegraf.rs