Kilijan Mbape, napadač Pari Sen Žermena, nije štedio sadašnji klub u posljednjem intervjuu i najavio je da je vrijeme da napusti prijestonicu Francuske.
Foto: YouTube screenshot/TheBeanyman
Nekoliko posljednjih prelaznih rokova se francuski napadač povezuje sa Realom, a malo je nedostajalo da upravo u Madridu završi odmah poslije Monaka.
Ipak, PSŽ je tada spremio nestvarnu ponudu.
Mbape je odbio da produži ugovor sa Parižanima i najavio da je pravi trenutak da promijeni sredinu. Ipak, nimalo nije štedio PSŽ.
„Tražio sam da odem iz kluba ovog ljeta jer u tom trenutku nisam htio da produžim ugovor, a smatrao sam da klub može da zaradi dobro i da dovede kvalitetnu zamjenu. Ne sviđa mi se što su rekli da sam tražio odlazak krajem avgusta, napravili su da se osjećam kao lopov“, bio je brutalno iskren Mbape u razgovoru za „RMC“.
Ipak, pojasnio je i kako se potrudio da bude maksimalno korektan prema Parižanima.
„PSŽ je klub koji mi je puno toga dao. Uvijek sam bio srećan, svaka od četiri godine u klubu je bila srećna. Odlazak sam najavio dovoljno rano da klub ima vremena da se pripremi. Ljudi govore da sam odbio šest ili sedam ponuda za produženje, to nije istina, čim sam rekao da želim da odem sve je bilo jasno. Bio sam pošten i to rekao dovoljno rano.“
Podsjetimo, nedavno je Karim Benzema, napadač Reala, poručio da je samo pitanje trenutka kada će Mbape zaigrati u Realu.
KOMENTARI (0)