“Top Gun: Maverick” jedan je od najvećih filmskih hitova ove i posljednjih desetak godina, pravi globalni fenomen s gotovo 1,5 milijardom dolara zarade na kino-blagajnama. Sviđa se publici, sviđa se kritici. A sada je, šale se na internetu, postao još bolji. Ili barem slađi i smješniji.

Foto: Youtube screenshot/OwlKitty

Naime, ekipa s YouTube kanala OwlKitty iskoristila je veliki uspjeh filma i napokon ostvarila dugo željeni projekt – mash up video u kojem su spojili Toma Kruza to jest Maverika i crnu mačku.

Kadrovi su iz prvog Top Guna, a OwlKitty je zamijenila Goosea. Kruz i čupava maca (pravog imena Lizzie), igraju odbojku, voze motor, jure nebom i žive život najboljih pilota.

Top Gun je najnoviji uradak ekipe s kanala koji ima 2,26 miliona pretplatnika. Zvijezda je Lizzie, petogodišnja dugodlaka mačka zelenih očiju iz Portlanda u Oregonu, SAD. Lizzie ima zavidnu filmsku karijeru. Kažu da je izuzetno vrijedna i zna posao, obožava laserske pokazivače i krem sir, a najviše voli kada joj honorar isplate u poslasticama i češkanju.

OwlKitty, to jeste Lizzie, prava je zvijezda s A liste i dosad se pojavila u filmovima poput Ratova zvijezda i Harija Potera, bila je strašna u Parku iz doba jure  i Usijanju, zablistala u Titaniku i 50 nijansi sive.

Napravila je sjajan posao i u Igri prijestolja i videu Arijane Grande.