Ova svakodnevna rutina ne treba da iziskuje skupa kozmetička sredstva.

Foto: Ilustracija/Pixabay

Skidanje šminke svakodnevna je rutina žena, ali ona iziskuje i skupa sredstva za skidanje šminke i micelarne vode. Organsko sredstvo za skidanje šminke možete napraviti i sami, u kućnoj radinosti i izbjeći parabene, formadlehide i ostale sastojke opasne po zdravlje koji se nalaze u kozmetičkim proizvodima.

Sastojci:

tuferi

200 mililitara čaja od kamilice

1 kašičica bademovog ulja

1 mililitar organskog šampona za bebe 

Postupak priprema:

Skuvajte čaj od kamilice i pustite da se ohladi. U njega dodajte bademovo ulje. Tufere stavite u teglu, sipajte preko mješavinu kamilice i bademovog ulja. Tuferi je moraju skroz upiti. Zatvorite posudicu i koristite uveče za skidanje šminke. Ako želite jače sredstvo, dodajte u mješavinu kašičicu organskog šampona za bebe.  

Osim pravilne njege, za zdravu i lijepu kožu vrlo je važno jesti raznoliko, piti dovoljno vode i spavati barem sedam sati na noć. Naravno i izbjegavati pušenje, alkohol i šećere.