Zlatan Ibrahimović osvrnuo se na sagu oko Kilijana Mbapea.

Foto: arhiva, El Tri Online/YouTube screenshot/Foto: YouTube screenshot/CANAL+ Sport (Kolaž)

Podsjetimo, PSŽ nije poveo Mbapea na pripreme i želi da ga proda ovo ljeto jer je shvatio da bi francuska zvijezda sljedeće godine htjela da ode besplatno.

Mbape ne želi iz PSŽ-a ovo ljeto, a klub nema namjeru pustiti ga da ode besplatno i rješenje se zasad ne nazire.

U razgovor za Canal+ Ibrahimović, legenda PSŽ-a, rekao je: “Je li napravio dobru stvar kad je produžio ugovor s PSŽ-om? Za sebe ne, za PSŽ da. Stavio se u situaciju gdje je važniji od kluba, ali nikad ne možeš biti veći od kluba. A kad jedan klinac postane tako moćan, lagano zarađuje novac. Onda njegovi roditelji postaju advokati, agenti, treneri. To je problem.”

“Tu izgubiš samodisciplinu i svoj identitet. Danas, s ovom novom generacijom, roditeljima, očevima, majkama, s kim god hoćete, oni misle da su oni postali zvijezde. Puno pričaju u medijima, a trebali bi začepiti. Na vašem je sinu da radi i bude disciplinovan”, dodao je Ibrahimović, koji je u tom klubu odigrao četiri sezone i u 180 nastupa postigao 156 golova.