Kilijan Mbape  po mnogima najbolji napadač današnjice, nagovijestio je da će u budućnosti igrati van "liga petice“, u Saudi Pro ligi ili MLS.

Foto: YouTube screenshot/ beIN SPORTS USA

Slavni Francuz je istakao primjere bivših saigrača Lionela Mesija i Nejmara. Mala je vjerovatnoća da će Mbape na ljeto ostati u Pari Sen Žermenu i francuskoj Ligi 1, nakon isteka aktuelnog ugovora.

"Mnogi veliki igrači koji su tokom karijera ostavili trag u fudbalskoj istoriji su prethodnog ljeta karijere nastavili van Evrope i na neki način započeli novu eru naše igre. Takve promjene su normalne u sportu, jednog dana će doći trenutak i da ja napustim Evropu. Velike promjene u fudbalu me ne brinu, pratim svoj put", rekao je Mbape.

Ove sezone u Ligi 1 za lidera i šampiona igra izuzetno, postigao je čak 19 golova na 17 nastupa uz tri asistencije.