Pjevačica Emina Jahović je imala povredu zbog koje je morala da pauzira za treninzima, a poznato je da pjevačica redovno vježba u teretani i brine o ishrani.

Foto: Youtube screenshot/Emina Jahović

„Pa dobro sam, dobro sam, hvala Bogu. Imala sam dosta problema u posljednje vrijeme sa povredama. I već 4-5 mjeseci nisam mogla ni da treniram, nisam bila aktivna. Tetivu sam bila povrijedila, ali srećom izbjegla sam operaciju. Sada sam došla i malo zbog posla, zbog albuma koji treba da izađe tamo negde u oktobru mjesecu i takođe, iz medicinskih razloga. Inače, dobro se osjećam, puno radim. U Turskoj sam, djeca su se raspustila, otišli su na more, ja sam došla u Beograd“, rekla je ona.

Emina je prokomentarisala i nedavni susret sa Lepom Brenom, te istakla da joj je dala mnoge savjete za život.

„Divno, divno. To je jedna, zaista, kako da kažem, zvijezda u pravom smislu te riječi. Danas se mnogi ljudi nazivaju zvijezdama, a ja kažem da je ona prava dama. Dama je, prije svega, čovjek je. To je ono što je meni najbitnije. Prava zvijezda u smislu svakom, u tom nekom, profesionalnom, ona ima tu auru žena koju nosi i to je jednostavno pratitelj cio njen život. Mnogo smo lijepo pričale, mnogo mi je dala dobrih savjeta vezano za život, vezano za djecu, kako ih treba odgajiti. I to sve bilo mi je predivno, stvarno. Predivno i ja da čekam da se s njom opet vidim, jer to su te energije koje se sreću rijetko u životu“, rekla je pjevačica za „Blic“.