Olimpijski prvak pokazao zašto je velikan - "delfini" rutinski odradili SAD u polufinalu (10:6).

Foto: YouTube screenshot/ Olympics Aquatics, arhiva

“Delfini” su u finalu nakon pobjede nad Sjedinjenim Američkim Državama (10:6),

Mnogi su otpisali olimpijskog prvaka poslije mučenja sa Japanom, lekcije od Australije, nemoći protiv Španije i Mađarske, ali Srbija je još jednom pokazala zašto je vaterpolo gigant.

--------------------------------------------------------------------------------------------------------------------

1 klik - 100 freebet-ova! Registruj se na meridianbet.me i pokupi najbolji poklon dobrodošlice!

--------------------------------------------------------------------------------------------------------------------

Nikola Jakšić i drugovi autoritatiuvno i nekako rutinski odradili su i Sjedinjene Američke Države (10:6) i plasirali se u treće finale zaredom Olimpijskih igara, gdje će juriti treće uzastopno zlato.

Amerikanci su imali sjajan turnir, imali su i danas mnogo šansi posebno u napadu sa igračem više, ali jednostavno nisu imali igrača za velike utakmice kakvih i dalje u Srbiji ima dosta.

Od početka utakmice "delfini" su diktirali tempo, sa dva gola Nikole Dedovića stigli do 7:4 početkom treće, a potom nakon pogotka Nemanje Vica i do 8:5.

Dugo nakon toga ekipa Uroša Stevanovića nije tresla mrežu, ali nisu blistali napadu ni momci Dejana Udovičića (golman Srbije Radoslav Filipović odigrao meč karijere), pa su do kraja trećeg dijela preko Aleksa Bovena samo jednom tresli mrežu (8:6).

Ipak, posljednjih osam minuta otklonili su sve dileme, ako ih je uopšte bilo - Dedović se još jednom sjajno snašao, a fenomelani Nikola Jakšić na tri i po minuta čini se stavio tačku na utakmicu (10:6).

U Rio de Žaneiru je Srbija do zlata stigla u finalu preko Hrvatske, u Tokiju je bila bolja od Grčke, a sada čeka boljeg iz drugog polufinala u kojem igraju "barakude" i Mađarska.