Njemu su čvrsto zatvorena vrata.

Danijel Krejg; Foto: YouTube screenshot/James Bond 007

Potraga za nasljednikom Danijela Krejga u ulozi Džejmsa Bonda još uvijek traje. Kao najveći favoriti među fanovima se pominju glumci: Aron Tejlor Džonson i Džejms Norton.

Fil Danster 32-godišnji glumac najpoznatiji po ulozi Džejmija Tarta u seriji Ted Lasso, izjavio je da su njegovi snovi o ulozi Bonda ugašeni zauvijek.

Fil Danster; Foto: YouTube sceenshot/Apple TV

Čvrsto zatvorena vrata

Prema njegovim riječima, producentkinja franšize Barbara Brokoli i njen tim "čvrsto su zatvorili vrata" njegovim agentima kad su pokušali započeti razgovor o kastingu za ovu tako željenu ulogu.

Jedan od mojih agenata pokrenuo je razgovor, ali su ga glatko odbili.

Uprkos tome, Fil vjeruje da bi neki drugi glumci u ulozi Bonda bili sjajni. On je izdvojio Sopea Dirisua, poznatog po seriji “Gangs of London”, i Džeka Loudena iz serije “Slow Horses”.

Producenti Barbara Brokoli i njen brat Majkl G. Vilson veoma su su oprezni kad je riječ o otkrivanju detalja o kastingu za novog Bonda.

Barbara je izjavila kako je "to velika odluka" i da traže glumca u tridesetima.

Majkl je dodao:

"Svaki put kad odaberemo novog glumca, filmovi se mijenjaju. To je uzbuđenje – novi Bond, novi smjer. Svaki glumac koji je preuzeo ulogu donio je nešto novo i drugačije.

Krejg koji je godinama bio Bond, nije previše zainteresovan za nagađanja o svom nasljedniku.

Na pitanje ko bi sljedeći trebao igrati Bonda, kratko je odgovorio:

"Baš me briga."