Većini ljudi je gotovo nezamislivo da dan započnu bez barem jedne šoljice kafe, ali nisu ni svjesni da to govori o njihovoj ličnosti.

Foto: Ilustracija/ Pixabay

Bilo da volite domaću ili instant varijante, zapravo sve što u životu radimo, može nešto reći o našoj ličnosti. Ista je priča i sa kafama. Naravno, namjera nije da ikoga uvrijedimo, već da se našalimo. Ipak, znate kako kažu, u svakoj šali, malo istine. Evo šta vaša omiljena kafa govori o vašem karakteru:

1. Espreso

Ova kafa je brza i jednostavna, baš kao i vi. Ne okolišate, nego govorite ono što mislite i radite onako kako želite. Volite da budete glavni i kritikujete druge u želji da im “otvorite oči”. Nikad ne gubite vrijeme i ne poklanjate ga onima do kojih vam nije stalo, niti ga trošite na kafenisanje i tračarenje.

2. Dupli espreso

Vi ste tip osobe koja razmišlja logički. Vrlo ste praktični, niste podložni promjenama raspoloženja. Sličan ste tip kao ljubitelj espresa, a kod vas su te osobine još izraženije. Vrijedni ste, imate jasne, koncizne ideje i na poslu dajete najbolje što možete.

3. Ristreto

Ristreto je zapravo skraćen espreso, odnosno, ista količina mljevene kafe, ali ekstrahovana finijim mljevenjem uz manje vode. Ipak, kako bariste širom svijeta kažu, većina ljudi ne može ocijeni da li su dobili epsreso ili ristreto, odnosno, ne može jasno da utvrdi razliku. Zato se smatra da su takvi ljudi uglavnom oni koji vole da se razmeću “fensi” izrazima, te sebe smatraju izrazito sofisticiranim osobama, iako je istina daleko od toga.

4. Espreso sa mlijekom

Ako pijete kafu s mlijekom, možda imate problema sa donošenjem odluka. Opuštene ste prirode i kao rezultat, niste zabrinuti zbog pretjeranog analiziranja svake odluke. U stvari, vaša priroda je takva da dosta razmišljate i preferirate da vaša mašta razmotri sve opcije na ležeran način. Pošto pijete kafu s mlijekom, vi volite udobnost. Vaša jutarnja kafa s mlijekom samo je jedna od onih malih udobnosti koje čine život zaista vrijedan življenja.

5. Makijato

U pitanju je espreso sa “mrvicom” mlijeka, a oni koji naročito uživaju u ovoj vrsti kafe su dobro organizovani, sve rade i postižu na vrijeme, pouzdani su i odani. Vole da doziraju zadovoljstva, ali ne pretjeruju sa njima.

6. Late

Vi ste neko ko uživa u komforu, ali i neko ko voli da udovoljava ljudima. Baš kao i vaš late, želite da ublažite “gorčinu života”. Opušteni ste, pouzdani, realni, ali imate problema sa donošenjem odluka. Uživate u jednostavnoj životnoj udobnosti. Moguće je da ste vlasnik mačke, piše na portalu Equity Bank.

7. Kapućino

Ako uvijek birate kapućino, znači da ste romantična i optimistična osoba, sofisticirane prirode. Kreativni ste, maštoviti, sanjalački nastrojeni, pomalo tajanstveni. Problem je što su vam ciljevi kratkoročni, a i od njih brzo odustajete. Često ste nerealni, ne samo kada analizirate druge, već i o sebi imate pogrešnu sliku.

8. Irska kafa

Bariste širom svijeta se slažu – ljubitelji irske kafe, uglavnom spadaju u “legende” koje ostavljaju velike napojnice. Glasni su, zanimljivi, neposredni. Ipak, znaju da pretjeraju, te ako malo više pretjeruju sa naručivanjem ovakvih kafa, moguće je da imaju problem sa pićem, navode na portalu Daily Mail.

9. Domaća (turska) kafa

Ovi ljudi nemaju vremena za “nesove, espresoe i ostale besmilice, jer to nije kafa”. I kod njih se zna – domaća, malo jača, sa ili bez šećera, pa natenane. Oni više od svega vole da tu jutarnju kafu “otegnu”, uživaju sami sa sobom, te ne bi trebalo da ih uznemiravate dok ne završe sa prvom šoljom. Sa njima nema šale, znaju šta, kad i gdje hoće, te se za njih može reći da su veoma odsječne osobe.

10. ​Ledena kafa i frapućino

Od kako su se i kod nas pojavile različite vrste kafa i moka, pogotovo sa različitim topinzima, izdvojili su se oni koji ih prvi moraju naručiti, probati, slikati… U većini slučajeva, ovakvi tipovi osoba idu u korak sa trendovima i vole da isprobavaju nove stvari. Često su veoma kreativni, ali umiju biti i površni.