Američki predsjednik Donald Tramp objavio je na svojoj društvenoj mreži Truth Social poruku o pregovorima sa Iranom i mogućem nastavku vojne operacije.

Foto: YT screenshot/ Trump White House Archived

U objavi je naveo da postoji napredak u pregovorima, ali je istovremeno zapretio daljom eskalacijom ukoliko ne dođe do dogovora.

- Sjedinjene Američke Države vode ozbiljne razgovore sa novim i razumnijim režimom kako bi okončale naše vojne operacije u Iranu. Ostvaren je veliki napredak, ali ako iz bilo kog razloga uskoro ne bude postignut dogovor – što vjerujem da hoće – i ako Hormuški moreuz odmah ne bude ‘otvoren za posao’, mi ćemo završiti naš prijatan ‘boravak’ u Iranu tako što ćemo raznijeti i potpuno uništiti sve njihove elektrane, naftna polja i ostrvo Harg (a možda i sva postrojenja za desalinizaciju!), koja namjerno još nismo ‘dirali’ - napisao je Tramp.

- To će biti odmazda za naše brojne vojnike i druge koje je Iran ubio tokom 47 godina ‘vladavine terora’. Hvala na pažnji. Predsjednik Donald J. Tramp - dodao je, prenosi Index.hr.