Bliži se ljeto sa visokim temperaturama, kada ćemo svi poželjeti da imamo savršeni preplanuli ten, ali na što prirodniji način. Ovo ulje vam može pomoći u tome.

 

Foto: Ilustracija/Pixabay

Predstavljamo vam vrlo jednostavan recept za ulje za sunčanje koje možete napraviti sami. Ovo prirodno ulje je zapravo macerat za sunčanje  jer nastaje tako što se u maslinovo ulje dodaju biljke. Za pripremu vam je potrebno:

– 3 dl maslinovog ulja

– 2 šargarepe

– 6,7 mladih oraha

Uzmite staklenu teglu i u nju narendajte dvije šargarepe, narežite orahe i prelijte maslinovim uljem. Dobro zatvorite i ostavite najmanje 40 dana da odstoji na suncu. Povremeno protresite sadržaj. Nakon četrdeset dana procijedite dobijenu smjesu i ulje sipajte u bočicu. Ovo prirodno ulje ne štiti od štetnih sunčevih zraka, odnosno, njegov zaštitni faktor je samo dva. Prije nego što nanesete ulje, zaštitite se kremom sa zaštitnim faktorom, pa ga nakon pola sata nanesite na kožu. Već nakon dva dana primijetićete kako je vaša koža znatno preplanula. Zahvaljujući sastojcima iz ulja, vaša koža će biti mekana i nahranjena.