Pjevačica Nada Topčagić, kako kaže, bila je prinuđena da proda svoju kuću u Crnoj Gori.

Foto: YouTube screenshot/ Ami G Show

Međutim kupci koji su joj nudili milione za nekretninu samo su nestali, a njeni planovi su propali.

Pjevačica Nada Topčagić već nekoliko godina ima problema sa kućom u Kaluđerovini kod Tivta.

Nada je svojevremeno priznala da je nakon dugog razmišljanja odlučila da je proda, međutim od kupaca koji su joj ranije nudili milione za nekretninu ni traga ni glasa.

"Da se razumijemo, nijesam bila za prodaju kuće, ali kako su mi Rusi došli do samih ulaznih vrata i sagradili zid, bila sam prinuđena. I taman kad sam odlučila da je prodam, Rusi su pobjegli. Niti grade, niti kupuju, niti plaćaju milione kao prije tri godine. Tako da ništa od miliona koje sam mogla da dobijem. A taman sam planirala da od tog novca kupim neke nekretnine koje bih izdavala i od čijeg novca bismo živjeli moja djeca i ja. Međutim sve je propalo", rekla je Nada za Star.

"Ja tu kuću imam punih 38 godina. Mnogo sam uložila u nju, a sada je kriza. Iskreno, ne znam ni šta bih uradila sa tim parama od prodaje. Kriza je, nema ni posla, teško se živi, nisam sigurna da li bih opet kupovala neke nekretnine. Znam samo da nikada ne bih kupovala u Beogradu, gdje kupuju moje kolege estradnjaci. Nije to za mene. Ako mi vjerujete, više ni moja planina Tara nije kao prije, ovdje svi bježe od mene jer dolazim iz Beograda, pa misle da sam zaražena. Ma užasno je vrijeme", rekla je pjevačica tada.