Pjevač Isak Šabanović je milionskom auditorijumu postao poznat u emisiji "Zvezdama Granda", dok se u Crnoj Gori uveliko znalo za njega i prije takmičenja.

Foto: YouTube screenshot/ Grand Online magazin 

Ipak, bez obzira na dobar glas i dobre reakcije publike na njegove nastupe, Isak smatra da narodnjake ne umije tako dobro da pjeva.

"Ja tvrdim da to ne umijem, ali to se vama sviđa, to je lijepo. Ja otpjevam na svoj način, nemam nijedan triler, pa se zapitam. Dobro ,Aco Pejović i Aca Lukas nisu narodnjaci, ali opet znaju da zapjevaju narodnjake, ali ne mogu još uvijek da se mjerim sa njima, treba mi još godina, ali tražim takve neke obrade, njih slušam, pa koliko skinem, skinem, šta da radim", rekao je Šabanović i otkrio da li ga to ograničava na nastupima.

"Ograničava me u tome da ne mogu Šabana da pjevam, ima lijepih pjesama. Ja volim tako kad je neko društvo, pa da zapjevam „Žal“ ili „Da li čuješ mila“, to nije za masu, nego za nas. Nemojte da snimate i to je to. Zato što volim tako neke narodnjake, sad što ne umijem da ih pjevam, ne možemo svi da znamo i jedno i drugo. Kad ti dođe neko sa 500 eura, ti plačeš jer ne znaš", rekao je kroz smijeh.

Isak priznaje da ne može suzdržati osjećanja kada čuje pjesme legendarnog Džeja Ramadanovskog.

"Uspio sam u životu“, tu se dobro rasplačem, zato što pjeva čovjek uspio sam u životu, tako misle svi, a ustvari nisam uspio još. Plačem na „Živote, ženo bez morala“, zato što sam shvatio da je to život, jednostavno obara te i diže koliko on hoće. Ja ćutim, povlačim se, i ja sam sve gori i gori ljudima. Uvijek čujem nešto novo, a nikom nisam ništa rekao i eto onda „Živote ženo bez morala“",  ispričao je pjevač.