Vedro nebo i toplo vrijeme su želja svih putnika kada planiraju put u neki evropski grad, ali ih je teško garantovati van ljetnjih mjeseci.
Foto: Ilustracija/Pixabay.com
Holidu – britanski pretraživač za odmore sačinio je listu najkišovitijih gradova u Evropi gledajući prosječan broj kišnih dana u mjesecu i statistiku prosječne dnevne količine padavina.
Podaci su otkrili da najkišovitiji grad na kontinentu u prosjeku ima 13 kišnih dana mjesečno.
Zanimljivo je što se na listi našao i grad iz komšiluka – Sarajevo, sa u prosjeku osam kišnih dana mjesečno.
Čak četiri britanska grada našla su se na listi kišnih žarišta, iako je grad iz Skandinavije zauzeo prvo mjesto.
1. Bergen, Norveška
Najkišovitiji gradovi u Evropi možda ne garantuju sunce, ali ipak nude očaravajuće prizore, a Bergen čini upravo to. Kada budu posjećivali zvanično najkišovitiji grad u Evropi sa 13 kišnih dana mjesečno i 9 mm kiše dnevno u prosjeku, turisti će željeti da spakuju kabanicu.
Čuvena norveška izreka „ne postoji loše vrijeme, samo loša odjeća“ ne može biti prikladnija u ovom gradu, iako je Bergen srećom dobro opremljen za vlažno vrijeme. Nema manjka restorana i kafića koji nude sklonište i odličnu hranu, kao i mnoštvo muzeja i galerija za istraživanje.
Za one koji su voljni da se nadaju kojem zraku sunca, Bergen je ispunjen bujnom prirodom koju kiša čini živom.
2. Sanderlend, Engleska
Foto: Ilustracija/Pixabay.com
Sanderlend je bio najkišovitiji grad u Velikoj Britaniji sa prosječno 11 kišnih dana mesečno. Međutim, sjeveroistočni grad je blizu nekih od najljepših plaža u Engleskoj, tako da oni koji su hrabri mogu pronaći praznu plažu kao nagradu – sa možda čak i malo sunca.
Kao i većina mjesta u Engleskoj, vreme je posebno loše u zimskim mjesecima tokom decembra i januara kada je prosjek 15 kišnih dana mjesečno. Prema World Weather Online-u, najmanje kišnih dana ima u aprilu (sedam mjesečno), ali muzeji i, naravno, kafići i restorani su otvoreni tokom cele godine za bijeg od kiše.
3. Glazgov, Škotska
Foto: Ilustracija/Pixabay.com
Glazgov je najkišovitiji grad Škotske i treći najkišovitiji grad u Evropi. Ova škotska destinacija ima pomorsku klimu zahvaljujući vremenskim prilikama zbog svoje severne lokacije i blizine Atlantskog okeana.
Najviše kiše pada u januaru i decembru (u prosjeku 14 kišnih dana mjesečno), a najmanje u aprilu (osam kišnih dana). U prosjeku, Glazgov ima 11 kišnih dana mjesečno, tako da će turisti možda ipak željeti da istraže gradske muzeje i atrakcije – kao što je destilerija viskija.
U nastavku pogledajte listu 15 najkišovitijih gradova u Evropi:
Foto: Ilustracija/Pixabay.com
Foto: Ilustracija/Pixabay.com
KOMENTARI (0)