Nakon uspješne premijere i repriznog izvođenja, predstava „Top prijatelji“ nastala u produkciji KIC-a „Budo Tomović” po tekstu i u režiji Jelene Lele Milošević, ponovo će biti izvedena u ponedjeljak, 3. marta, u sali DODEST, u 20 sati.

Foto: KIC "Budo Tomović"

"Ova moderna drama prožeta humorom i emotivnim nabojem istražuje složene međuljudske odnose, društvena očekivanja i svakodnevne nesporazume među prijateljima. Kroz odnos tri glavna lika, predstava otkriva skrivene slabosti, nesigurnosti i unutrašnje dileme koje izlaze na površinu u trenutku kada se akteri predstave pripremaju za proslavu jednog važnog događaja. Iako na prvi pogled izgledaju kao pravi prijatelji, iza njihovih maski kriju se neodgovorena pitanja i neizgovorene istine", navode se u saopštenju. 

Foto: KIC "Budo Tomović"

U ulogama Lile, Marije i Igora su Vanja Jovićević, Marija Maša Labudović i Emir Ćatović koji su svojim sjajnim glumačkim izvedbama prenijeli kompleksnu dinamiku među likovima i izazvali odlične reakcije publike na premijeri i repriznom igranju.