Popularna pozorišna predstava „Safra” čiju adaptaciju i režiju potpisuju glumice Milica Šćepanović i Marija Labudović biće izvedena u četvrtak, 29. oktobra, u sali DODEST, od 20 sati.

Foto: KIC "Budo Tomović"

Riječ je o predstavi koja je nastala po motivima teksta „Važnije polovice”, Beatrice Kurbel i Mirne Rustemović. Muziku potpisuje Irena Popović Dragović.

Dvije prijateljice, Maša i Milica, nakon duže pauze njihovog prijateljstva, odluče da bi se trebale nalaziti svake srijede na kafi i uz to podijeliti sav teret koji im se mota po glavi i tovari na pleća godinama. Dirljiva priča o prijateljstvu, ljubavi, karijeri, djetinjstvu i majčinstvu, koja na ironičan i satiričan način ukazuje na sve probleme društva u kom su rasle. Kroz pjesmu, šalu, suze i iskrenost, dvije glumice, dijele sa publikom svoje ispovijesti i iskustva.

Ulaznice su rasprodate.