Iako je pojava sIJedih vlasi vremenom normalna i prirodna pojava, većini ljudi to teško pada.
Foto: Ilustracija/Pixabay.com
Ali, dobra vijest je da ovaj proces možete malo usporiti konzumiranjem određenih namirnica.
Novo istraživanje sa univerziteta Nagoja u Japanu otkriva da antioksidans koji se nalazi u velikom broju voća, povrća i začinskog bilja može pomoći u usporavanju ili čak sprečavanju pojave sijedih vlasi, prenosi Index.hr.
Antioksidans koji usporava pojavu sijedih vlasi
Studija, objavljena u časopisu Antioxidants, posmatrala je miševe tokom 16 nedjelja, dok su im naučnici davali luteolin, prirodni flavonoid iz biljaka. Istraživači su otkrili da su nakon 16 nedjelja miševi tretirani luteolinom imali znatno manje sijedih vlasi u poređenju sa netretiranim miševima, kao i zdravije matične ćelije folikula dlake, piše Parade.
Istraživanja pokazuju da povećan unos luteolina ishranom može usporiti sijedu kosu. Evo najboljih izvora ovog antioksidansa:
Povrće bogato luteolinom: celer, peršun, zelena paprika, brokoli, šargarepa, kupus, spanać, luk.
Voće bogato luteolinom: jabuke, pomorandže, limuni, bobičasto voće (borovnice, kupine, jagode, brusnice), trešnje, kruške, grožđe.
Začini i bilje bogate luteolinom: timijan, ruzmarin, origano, kamilica.
KOMENTARI (0)