Fudbaleri Egipta plasirali su se u četvrtfinale Kupa afričkih nacija, nakon pobjede nad Beninom 3:1 poslije produžetaka u Agadiru.

Foto: YouTube screenshot/Liverpool FC

Egipat je poveo u 69. minutu golom Atije, koji je snažnim udarcem pogodio sam ugao.

Benin je, međutim, uspio da se vrati – Dosu je u 83. minutu savladao El Šenavija i odveo meč u neizvjesnu završnicu.

U produžecima je pritisak Egipta dao rezultat. Ibrahim je u 97. minutu pogodio glavom za 2:1, a nakon još nekoliko propuštenih prilika, Salah je u 124. minutu iskoristio kontru i postavio konačnih 3:1.

Egipat će u subotu od 20 časova, na istom stadionu, igrati u četvrtfinalu protiv pobjednika duela Obala Slonovače – Burkina Faso.