Igor i Luna su psi spasioci iz Italije, a oni su brzom reakcijom spasli 15-godišnju surferku koja je počela da se davi nakon što ju je uhvatila jaka struja. 

Foto: Screenshot, SICS Scuola Italiana Cani Salvataggio-Tirreno/Facebook

Njihov herojski čin snimila je kamera, a video je u kratkom roku postao hit na društvenim mrežama.

– Luna, mlada labradorka medene boje, uspjela je prva da dođe do surferke. Zajedno s Igorom, započela je težak manevar povratka na obalu, a sve vrijeme surferka se čvrsto držala za njih. U međuvremenu su ih sustigli ljudi i sve je prošlo u najboljem redu – napisali su na Facebooku iz SICS-a, italijanske škole za obuku pasa spasilaca.

Ovo nije prvi put da su psi poput njih spasili nekome život.

– Italijanska škola za obuku pasa spasilaca najveća je svjetska organizacija posvećena dresuri pasa i njihovih vodiča – dodali su.

– Za 25 godina rada, pseće jedinice SICS-a spasile su živote stotinama ljudi – zaključili su.