Ukoliko niste među onima koji gotovo nikad ne peru ovu stvarčicu, svaka čast.

Foto: Ilustracija, Pixabay

Kada je riječ o pranju veša, neki od nas su previše ležerni. Ponekad bacimo u mašinu pantalone koje smo nosili samo jednom, što uopšte nije potrebno, a s druge strane - jednu stvar koju često koristimo sigurno i ne pomislimo da stavimo u veš-mašinu.

U pitanju je platnena torba za kupovinu.

Koristite li i vi ovu torbu umjesto plastičnih kesa? Ako je tako, to je za svaku pohvalu, jer je ekološki prihvatljio, ali... Da li ste ikada oprali tu torbu koju već godinama koristite za nošenje namirnica? Većina vas će sigurno reći "ne".Tu višenamjensku torbicu koristimo za sve vrste namirnica: voće, povrće i unapred pakovane proizvode. Tu su i torbe koje koristimo za sportsku odjeću iz teretane. I dalje ih rijetko (ako uopšte) peremo.

Prema portalu Good Housekeeping, ljudi rijetko peru svoje torbe, što ih može pretvoriti u legla bakterija, uključujući Ešerihiju koli (E. coli). Ova bakterija pronađena je u 12 posto pregledanih torba. Zato, operite svoje što prije!