Mladi listovi i vrhovi koprive mogu biti prava gastro poslastica, stoga se ovog proljeća odlučite za nove kulinarske izazove.

Foto: Ilustracija/Pexels.com 

Listovi koprive ukusni su i vrlo hranjivi, ukusom podsjećaju na spanać pa se najčešće koriste kao njegova zamjena ili zamjena za blitvu u pripremi jela.

Sadrže zavidne količine željeza, važnih minerala te čak 20 puta više vitamina C od zelene salate pa su izvrsno prirodno sredstvo za liječenje anemije. Pomažu čišćenju organizma, ublažavaju osjećaj bolova, smiruju upale i podstiču probavu. Iskusni kuvari koprivu će znati upotrijebiti u pripremi supa, variva, raznih varijacija štrudli, salata te umaka za rižu i tjesteninu.

Mi vam donosimo recept za neodoljive i hrskave uštipke od koprive. 

Sastojci:

• 300 g mladih vrhova koprive

• 1 krompir

• 2 šargarepe
 
• 2 mlada luka

• 2 kašike zobenih pahuljica

• 2 kašike kiselog vrhnja

• prezla

• začini – so, biber

Priprema:

Šargarepu krompir i listove koprive operite, narežite na sitno i stavite  da kuvati. Kuvajte otprilike 15 minuta, izvadite iz vode i zatim dobro procijedite. Po želji, kuvanu šargarepu, krompir i koprivu možete usitniti štapnim mikserom ili zgnječiti viljuškom. Narežite mladi luk. U posudi izmiješajte kuvano povrće s koprivom, mladim lukom, zobenim pahuljicama i kiselim vrhnjem te dodajte začine.

Dobro izradite smjesu, oblikujte uštipke uz pomoć prezle i pecite ih na srednje ugrijanom ulju dok ne porumene.