Saznajte kako pravilno zamrznuti špargle i kako ih koristiti u jelima a da ne izgube svježinu i hrskavost.

Foto: Ilustracija/Pixabay.com 

Špargle su jedno od onog povrća koje ima vjernu publiku. Osim što su nutritivno bogate i pune antioksidansa, vlakana i vitamina, imaju tu srećnu osobinu da su ukusne čak i kad su pripremljene na najjednostavniji način — samo kratko sotirane, pečene ili kuvane na pari.

No kako uživati u njima i nakon što završi proljećna sezona? Jednostavno — zamrznuti ih!

Špargle spremi za kasnije

Iako ih možeš pronaći u trgovinama tokom cijele godine, najbolje su one sezonske. Ako kupiješ  na pijacii ili ponekad uloviš dobru akciju u trgovini, umjesto da ih zaboraviš u frižideru dok ne postanu nejestive, zamrzni špargle i sačuvaj njihovu svježinu za kasnije. Ipak, imaj na umu da zamrznute špargle nisu najbolji izbor za sirove salate, ali su savršene za kuvanje – možeš ih ubaciti direktno iz zamrzivača u supu, na roštilj...

Kako pravilno zamrznuti?

Foto: Ilustracija/Pixabay.com 

Da bi špargle zadržale boju, teksturu i ukus, potrebno ih je najprije blanširati. Ovaj postupak sprječava gubitak hranjivih materija i osigurava da nakon odmrzavanja neće postati kašaste. Evo kako to učiniti korak po korak:

1. Priprema – Operi špargle i odreži im donji, drvenasti dio. Možeš ih ostaviti cijele ili ih narezati na manje komade, zavisno o tome kako ih planiraš koristiti.

2. Blanširanje – Stavi ih u kipuću vodu i kuvaj 2-3 minute, zavisno o debljini.

3. Brzo hlađenje – Špargle odmah prebaci u zdjelu s hladnom vodom i ledom kako bi se prekinuo proces kuvanja. Ohladi ih potpuno, oko 5 minuta.

4. Sušenje – Ocijedi špargle i obriši ih kuhinjskim peškiru ako se ne bi stvorila ledena kristalizacija tokom zamrzavanja.

5. Brzo zamrzavanje – Položi špargle u jednom sloju na lim za pečenje i zamrzni na sat vremena kako se ne bi slijepile.

6. Konačno zamrzavanje – Premjesti zamrznute špargle u vrećice za zamrzavanje, istisni što više vazduha i zatvori. Špargle tako mogu stajati do 6 mjeseci.