Tokom toplih i vrelih dana, najzdraviji izbor pića je voda, a odmah zatim rashlađeni biljni čajevi i napici napravljeni od prirodnih sokova i sirupa. Jedan takav je i sirup od nane koji jednostavno možete napraviti kod kuće.

Foto: Ilustracija/ Pixabay

Razblažen i ohlađen, ovaj sirup djeluje osvežavajuće i gotovo trenutno okrepljuje organizam. Priptrema je laka, a proporcije iste kao i za sirup od zove, bagrema, matičnjaka ili cvijeta žalfije, piše Zadovoljna.hr.

Evo recepta:

Potrebno je:

10 grančica nane

1l vode

1 kg šećera

pola limuna

oko 10 grama limunske kisjeline (dvije kašičice).

Količinu možete naravno prilagoditi svojim potrebama i u skladu sa tim povećati količinu svih sastojaka.

Priprema:

Potopite grančice mente u vodu sa limunskom kisjelinom i kriškama limuna sa korom.

Dobro promješajte i ostavite da odstoji na hladnom i tamnom mjestu 24 sata.

Sledećeg dana procijedite tečnost, dodajte šećer i dobro promiješajte. Ostavite da odstoji još 24 sata, povremeno miješajući.

Nakon 48 sati, sirup je spreman za sipanje i čuvanje u staklenim bocama. Manje količine je najbolje čuvati u frižideru, a veće na hladnom i tamnom mjestu. Uživajte!