Vaša odjeća će uz ovaj jednostavan trik duže mirisati svježe, bez neželjenog ustajalog mirisa koji zna da ostane na tkaninama, a i produžićete vijek trajanja veš-mašini.

Foto: Ilustracija/ Pexels

Postoje mala, ali važna pravila, uz koja će vaša veš-mašina duže trajati i bolje raditi. Iako većina ljudi pomno bira deterdžente i programe pranja, često se zanemari jednostavan korak koji može da spriječi neprijatne mirise i produži vijek trajanja uređaja.

Nakon što izvadite oprani veš, vrata mašine uvijek je dobro ostaviti otvorena. Razlog je vrlo jednostavan – tako omogućujete da se unutrašnjost provjetri i osuši. Ako se vrata odmah zatvore, vlaga koja ostaje nakon ciklusa pranja zadržava se u bubnju i na gumenim djelovima, što doprinosi razvoju buđi i stvaranju neprijatnih mirisa.

Posebno osjetljivo mesto je gumena zaptivka na ulazu u bubanj. Na njoj se često zadržavaju voda i sitne čestice deterdženta, pa je dobro nakon pranja gumu prebrisati suvom krpom. Taj mali ritual spriječiće nakupljanje vlage i naslaga koje dugoročno mogu da oštete mašinu.

Uz to, redovno provetravanje i čišćenje gume znači i da će vaša odjeća duže mirisati svježe, bez neželjenog ustajalog mirisa koji može da ostane na tkaninama.

Dakle, zlatno pravilo glasi: ne zatvarajte vrata mašine odmah nakon vađenja veša. Ostavite ih barem nekoliko sati otvorena i povremeno prebrišite unutrašnjost – to je jednostavan trik koji čini veliku razliku.