Nakon šest vezanih prvih mjesta, Marija Vuković kao petoplasirana završila je nastup na 76. memorijalnom turniru ,,Boris Hanžeković“, koji je održan u Zagrebu.

Foto: ASCG, arhiva

Na terenima Sportskog parka ,,Mladost“ nastupilo je 10 skakačica u vis, među kojima je i olimpijska šampionka, vlasnica svjetskog rekorda (210cm) Jaroslava Mahučik, a među elitnim skakačicama našla se i crnogorska rekorderka Marija Vuković. Samo tri dana nakon nastupa na prvenstvu Balkana u Volosu, Vuković je nastup završila sa rezultatom 193 centimetra, a tu visini preskočile su samo još četiri takmičarke. Naime, Lea Apostolovski iz Slovenije, Elena Kuličenko iz Kipra, te Čehinja Mihaela Hruba imale su rezultat 190, dok je Irina Gerašenko iz Ukrajine imala rezultat 185, a Elena Velepec iz Slovenije savladala je samo početne visine 175 i 180.

Marija, koja je prije dvadesetak dana u Atini postavila novi crnogorski rekord (198), preskočila je visine 180, 185, 190 i 193, dok u tri navrata nije uspjela da ,,preleti“ 195.

Na kraju, Vuković i četvrtoplasirana Fatumata Bali iz Gvineje imale su identičan rezultat 193. Visinu 197 preskočila je samo Mahučik, a Eleanor Paterson iz Australije i Angelina Topić iz Srbije nastup su završile sa 195