Ispijanje čašice-dvije rakije prije jela je običaj kod kuće ili u restoranu, ali ova navika navodno ne podstiče apetit i ne poboljšava ukus jela, kako mnogi tvrde.

Foto: Ilustracija, Pixabay

Piće prije jela može da pomogne varenju, ali samo ako izaberete pravo. Rakija to nije.

Rakija, može samo da pokvari jelo, baš kao i varenje, tako što će šokirati želudac.

U narodu se vjeruje da rakija neke tegobe liječi bolje od ljekova.

Ipak ako popijete gorko piće u malim gutljajima, nećete zatvoriti pupoljke ukusa, već ih pripremiti, osim toga stimulisaćete želudačne sokove i olakšati varenje hrane, piše Punkufer.hr.

Zbog toga, umjesto ljutih kratkih pića, prema bontonu za stolom, možete piti biljne, gorke napitke koji u sebi imaju malo alkohola.

Ne birajte ništa slatko u čaši jer možete dobiti kisjelinu, pa takva pića sačuvajte za kraj obroka, odnosno desert.

Prema legendi, ritualno ispijanje gorkih napitaka prije jela zbog podsticanja varenja datira još iz antičke Grčke, kada je otac medicine, Hipokrat, preporučio ritualno ispijanje aromatizovanog gorkog vina prije jela. Istorija bilježi takvu kulturu u drugim drevnim civilizacijama koje su koristile gorka, lagana alkoholna pića u istu svrhu: od Asiraca do Egipćana i Tatara.

Aperitiv je postao popularan tek krajem 18. vijeka, a posebno je zaživio u Italiji. Pića kao što su vermut, martini i kampari vremenom su postajala sve popularnija, a ubrzo su nastali i popularni špric, negroni i belini.

Šta je digestiv?

Digestivi se piju na kraju obroka da bi se stimulisala cirkulacija i poboljšala varenje. I dok će Francuzi preporučiti neki konjak, dobru rakiju ili Chartreuse (kartuzijanski biljni liker), Italijani preferiraju rakiju od grožđa, gorki amaro, Fernet-Branco (gorki liker koji sadrži više od 40 biljaka i začina, poput aromatične smole, rabarbara, kamilica, kardamom, aloja, šafran, kantarion i drugi).

Na kraju obroka Njemci nazdravljaju likerima kao što su Krauterlikor i Underberg, dok u Španiji i Portugalu dominiraju ojačana vina. Za koje god piće da se odlučite, budite nježni prema svom zdravlju.