Puder bi trebalo da bude naš glavni saveznik – tih, pouzdan filter koji briše umor, ujednačava ten i daruje nam blistavost u danima kada je koža bez sjaja.

Foto: Ilustracija/ Pexels

Međutim, u praksi se često pretvori u dvostrukog agenta. Umjesto da zagladi kožu, on naglašava ono što ne želimo. Umjesto da prikrije, on ističe. A sve zbog jedne vrlo česte greške: previše pudera, naročito onog kompaktog ili u prahu.

Ovaj tip pudera, iako praktičan i često mu pribjegavamo leti zbog njegove moći matiranja, ima i jednu veliku manu – sklonost da se uvuče u fine linije, bore i svaku nepravilnost na koži.

Ono što želimo da prikrijemo, poput blage dehidriranosti, sitnih pora, umornog područja oko očiju, postaje još uočljivije kada slojevi pudera postanu preteški. Lice gubi dimenziju, a svježina se zamenjuje efektom suvoće i težine.

Čak i kada koristimo klasični puder, ključno je znati gde i koliko ga nanijeti – samo tamo gdje je nužno – jer u njezi zrele kože šminka ne sme biti maska, već suptilan ukras. A kao i svaki stilski dodatak, ljepši je kad je diskretan.