Već ovo radite svako jutro – zašto ne biste tu naviku pretvorili u vježbu za mozak?

Foto: Ilustracija/ Pexels

Zdrav mozak ne dolazi samo iz dodataka ishranii ili jutarnje kafe. Prema stručnjaku za pamćenje Džimu Kvoku  postoji jednostavan trik koji može poboljšati vašu koncentraciju, fokus i energiju – i to u samo dva minuta.

Trik je jednostavan: operite zube drugom rukom.

Zašto to djeluje?

Kada perete zube rukom kojom inače ne pišete, aktivirate potpuno drugačije djelove mozga. To vas izvlači iz rutine i tjera da budete prisutni u trenutku.

- Taj fokus kasnije se prelije i na druge situacije - poput Zoom sastanaka ili rješavanja zadataka. To je ulazna navika za bolje funkcionisanje tokom dana - kaže Kvik.

Ostali mini trikovi za bistriji um

Ako vam se svidi ideja jutarnjih mentalnih izazova, isprobajte još neke Kvikove prijedloge:

> hodajte unazad

> jedite nedominantnom rukom

> pokušajte stići negdje bez GPS-a

> prošetajte umjesto da odmah uzmete telefon

> naučite 2-3 nove riječi stranog jezika

> meditirajte 5 minuta dnevno

Nema potrebe da radite sve odjednom – dovoljne su jedna ili dvije sitnice dnevno koje vas pomjeraju iz rutine.